20:36 Տղաների ու աղջիկների միջև եղած ընկերության մասին: Արդյո՞ք դա հնարավոր է |
 Մարդը` որպես ամենասոցիալականացված էակ, չի կարող գոյատևել առանց իր նմանի հետ շփման: Ինչպես ասում են, յուրաքանչյուրն էլ զգում է ինչ-որ մեկի կարիքը, ու այդ ինչ-որ մեկը հաճախ նա է, ում մենք ընկեր ենք կոչում: Կան բազմաթիվ իմաստուն խոսքեր, պատմվածքներ, լեգենդներ ու հեքիաթներ ընկերության մասին: Բոլոր ժամանակների մեծագույն մտածողները միշտ գովերգել են ընկերությունն ու իսկական ընկերներին: Որքան էլ որ այսօրվա հասարակարգը զարգացած է, և որքան էլ նորագույն տեխնոլոգիաները շատ դեպքերում փոխարինում են իրական շփումը, միևնույնն է դեռևս մարդիկ ունեն այն մտերիմ, իրական ու կարեկից ընկերոջ կարիքը, ում հետ կարող են խոսել, դժվար պահին կանչել օգնության, կիսել նրա հետ երջանիկ պահերն ու ապրումները… Հին ժամանակներում հասարակության մեջ կար սեռերի բևեռացում` տղաներն ու աղջիկները մեծանում ու դաստիարակվում էին միմյանցից առանձին, հարկ է նշել միայն այն փաստը, որ շատ երկրներում մինչև 20-րդ դարի սկիզբը տղաներն ու աղջիկները կրթվում էին տարբեր ուսումնական հաստատություններում: Աղջկա ու տղայի միջև ընկերության մասին խոսք անգամ լինել չէր կարող: Իսկ ժամանակակից հասարակության մեջ գրեթե ջնջվել են այդ անջրպետները, ու յուրաքանչյուր քայլափոխի արդեն կարելի է հանդիպել ընկերների, ովքեր տարբեր սեռերի ներկայացուցիչներ են, ովքեր միասին անցկացնում են ժամանակի մեծ մասը, կիսվում ապրումներով, օգնում միմյանց, ու ամենակարևորը, հակառակ տարածված կարծիքի` իսկական ընկերներ են, ինչպիսին կարող են լինել, ասենք, միայն տղաները կամ աղջիկները: Սա հիմնականում արևմտյան հասարակությունում, իսկ մեզ մոտ արի ու տես, որ դեռևս կա կարծրացած տեսակետ այս հարցի շուրջ, և մեր հասարակության մի ստվար զանգված ուղղակիորեն չի ընդունում տղամարդու և կնոջ միջև պարզ ու անմիջական ընկերական շփման գոյությունը: Եվ, բնականաբար, յուրաքանչյուր փաստարկ հանդիպում է ծանրակշիռ հակափաստարկի: Այսօր Քաղաքը խոսում է մի ծավալուն հարցի շուրջ, որը չունի միանշանակ պատասխան: Փորձե՛նք պարզել մեր համաքաղաքացիների հետ` արդյոք հնարավոր է անկեղծ ու պարզ ընկերություն տղայի ու աղջկա միջև, և արդյոք նման հարաբերությունների ժամանակ բնության օրինաչափությունների համաձայն չկա այլ «տրամադրվածություն» կողմերից գոնե մեկի մոտ: Արդյոք մեր նախնիները ճիշտ էին, ու աղջիկ-տղա ընկերությունը անհնար է ու անկայուն, նորաձև ու գեղեցիկ միֆ… |
|
|
| Մեկնաբանություններն ընդամենը՝: 0 | |