19:05 «Աշխարհի ամենաաղքատ նախագահը» |
 Աշխարհի ամենաաղքատ նախագահի համարումն ունեցող ուրուգվայցի Խոսե Պեպե Մուխիկայի լուսանկարը, որն արվել է նրա հանգստի ժամանակ, մեծ տարածում է գտել համացանցում: Անցած տարի նա հայտնի էր դարձել որպես «աշխարհի ամենաաղքատ նախագահ», երբ հայտնել էր, որ իր աշխատավարձի 90 տոկոսը տրամադրում է բարեգործության. ամսական 12.500-ից իրեն է պահում միայն 1.250 ԱՄՆ դոլար: Ուրուգվայի նախագահն ու իր տիկինն անգամ նախագահական պալատում չեն լինում. նրանք բնակվում են մայրաքաղաք Մոնտեվիդեոյին մոտ մի ագարակում: Տարածված լուսանկարում նախագահն ու իր տիկինը հասարակ հագուստով են, առանց թիկնապահների, վայելում են մաքուր օդը: Նրանց լուսանկարել էր Facebook-ի օգտատերերից մեկը՝ Օսկար Կասինին: Լուսանկարի հրապարակումից շատ չանցած դա տարածվել է 8.000 անգամ: Նույն լուսանկարը Twitter-ում տարածելով՝ Օսկար Կասինին գրել է. «Մենք թերևս աշխարհի միակ երկիրն ենք, որտեղ նախագահն ու առաջին տիկինը դուրս են գալիս առանց թիկնապահների և ուր ուզեն: Եվ դա այն հարգանքի շնորհիվ, որը մարդիկ տածում են նրա հանդեպ: Օրհնյալ Ուրուգվայ»: |
|
|
| Մեկնաբանություններն ընդամենը՝: 0 | |